Cənnətdən gələn ən yaxşı dost

Taranın toy günü sevimli iti Qabriel sincabın arxasınca qaçarkən avtomobil tərəfindən vurulur və tələf olur. Baş verən bu kədərli hadisəyə görə mərasim təxirə salınır. Dərd içində olan cütlük evlənmək fikrindən tamamilə daşınmaq qərarına gəlir.

Səmaya yollanan dördayaqlı dost yerdə yarımçıq qalmış işinin olduğunu başa düşür və ruh cildində canlıların dünyasına qayıdır. Keçmiş sahibləri üçün görünməz olan Qabriel Taranın xəyalındakı toyu reallaşdırmaq məqsədilə onu eşitmək və görmək bacarığına malik bir insan axtarıb tapır.

Kanada istehsalı olan «Best Friend from Heaven» filminin rejissoru Castin C. Daykdır və dram 2018-ci ildə ekranlara çıxıb. Əsas rolları Derek Aqimanq, Peqqi Kəlvert, Brayan Karlton və Bob Çarters canlandırıblar.