Ailə telləri

Lüsi böyüdüyü ailəni hər zaman doğma bilirdi, lakin anasının faciəvi ölümündən sonra keçmişi ilə bağlı gözlənilməz həqiqəti öyrənir. Məlum olur ki, o, hələ körpə ikən əsl valideynlərindən oğurlanıb. Qız bioloji ailəsini axtarmağa başlayır və prokuror işləyən anası Elizabet Marşalı tapır.

İllər sonra qızına qovuşan ana bu görüşə sonsuz dərəcədə sevinir. Lakin onların birgə xoşbəxtliyi uzun çəkmir və tezliklə yeni sınaqlarla üzləşirlər. «Ailə telləri» («Separated at Birth») filminin qəhrəmanları gizli qalmış keçmişin yaratdığı nəticələrlə mübarizə aparmalı olurlar.

Kanada istehsalı olan bu dramatik trilleri rejissor Jan-Fransua Rivar lentə alıb. 2018-ci il ekran işində baş rolları Peyc Turko, Brittani Allen, Dominik Provost-Çalkli və Ceyn Heytmeyer canlandırıb.