Baykonur

Kosmodromun yaxınlığındakı Kungey kəndində yaşayan İsgəndər ətrafdakılar arasında Qaqarin ləqəbi ilə tanınır. Buradakı kənd sakinlərinin həyat ritmi bir raket buraxılışından digərinə qədər olan vaxtla ölçülür. Lakin göydən qəfildən Yerin orbitinə səyahət etmiş Julie adlı cazibədar fransız kosmik turist düşəndə vəziyyət kökündən dəyişir.

Qıza vurulan Qaqarin onun rahatlığı naminə hər cür fədakarlığa hazır vəziyyətə gəlir. O, anasının gəlinliyini qonağa bağışlayır, yurdun içində vanna otağı quraşdırır və hətta doğma kəndini tərk etmək barədə düşünür. Yerə enişdən sonra yaddaşını itirən Julie isə artıq özünü Kökətay adlı qazax qızı hesab edir.

«Baykonur» filmi 2011-ci ildə rejissor Fayt Helmer tərəfindən lentə alınıb. Almaniya, Qazaxıstan və Rusiyanın birgə istehsalı olan ekran əsərində baş rolları Aleksandr Asoçakov, Sitora Farmonova, Yerbolat Toquzakov və Valera Kanişev canlandırıblar.