Dharmadurai

Ali tibbi təhsil almış Dharmadurai naməlum səbəblərdən peşəsindən uzaqlaşaraq kənddə alkoqol aludəçisinə çevrilib. Doğma qardaşları yerli əhali ilə maliyyə işləri qurmağa çalışsa da, qəhrəmanın sərxoş vəziyyətdə insanlara xəbərdarlıqlar etməsi bu sövdələşmələri pozur. Bu vəziyyətə dözməyən qardaşlar onu mütəmadi döyüb bağlasalar da, sonda onu birdəfəlik aradan götürmək, yəni öldürmək qərarına gəlirlər.

Qardaşların dəhşətli planından xəbər tutan ana oğlunu xilas etmək üçün gecə ikən onun qaçışını təşkil edir. Dharmaduraya uzaqlara getməyi və yeni həyata başlamağı tapşırır. Doğma kəndini tərk edən qəhrəman universitet illərindəki köhnə dostlarını axtarmaq üçün keçmişinin izinə düşür.

Hindistan istehsalı olan «Dharmadurai» dram filmi 2016-cı ildə ekranlara çıxıb. Rejissoru Sinu Ramasami olan layihədə əsas rolları Vicay Setxupatxi, Tamanna Bhatiya, Ayşvarya Raceş və Şruşit Danqe canlandırıb.