Mukkabaaz

Gənc boksçu Şravan yerli boks federasiyasına rəhbərlik edən kriminal nüfuz sahibi Bhavandasın qohumu Suneynaya aşiq olur. Qızın ailəsi bu sevgiyə razılıq versə də, qardaşı qızı barədə başqa planları olan əmi bu izdivaca qəti şəkildə qarşı çıxır. Gənclər maneələrə baxmayaraq evlənməyə nail olurlar.

Şravan gündüzlər çalışır, axşamlar isə ölkə çempionatına ciddi şəkildə hazırlaşır. Bu zaman Bhavandas qızı qaçıraraq ərindən boşanmasını tələb edir. Hüquq-mühafizə orqanları nüfuzlu cinayətkardan çəkinərək kömək etməkdən boyun qaçırır, idman rəhbərliyi isə həyat yoldaşını xilas etmək və polisin diqqətini cəlb etmək üçün Şravana turnirdə qızıl medal qazanmağı məsləhət görür.

2017-ci ildə çəkilmiş Hindistan istehsalı olan bu idman dramının rejissoru Anuraq Kaşyapdır. «Mukkabaaz» filmində əsas rolları Vinit Kumar Sinqh, Cimmi Şerqill, Zoya Husseyn və Ravi Kişan canlandırıblar.