Guppy

Sahil qəsəbəsində böyüyən Maykl hamı tərəfindən Guppi ləqəbi ilə tanınır. Gənc oğlan yataq xəstəsi olan anasının qayğısına qalır və onun üçün elektrikli əlil arabası almaq istəyir. Lazımi məbləği toplamaq məqsədilə o, kiçik akvarium balıqları yetişdirib satmaqla məşğul olur.

Ərazidə körpü inşasına rəhbərlik etmək üçün mühəndis Tecas Varki qəsəbəyə gəlir. Sərt xarakterli mühəndis ilə yeniyetmə Maykl arasında ilk andan soyuq münasibət yaranır. Bu qarşıdurma tezliklə böyüyərək tərəflər arasında bitmək bilməyən narazılıqlara və toqquşmalara səbəb olur.

2016-cı ildə ekranlara çıxan «Guppy» filmi dram və komediya janrlarını birləşdirir. Hindistan istehsalı olan ekran əsərinin rejissoru Conpol Corcdur, baş rolları isə Çethan Cayalal və Tovino Tomas canlandırıblar.