Qi yue yu an sheng

On üç yaşlı məktəblilər Qiyue və Anşen tanış olduqdan sonra ayrılmaz rəfiqələrə çevrilirlər. Dəcəl Anşenin anası nadir hallarda evdə olduğundan, çalışqan Qiyuenin ailəsi qızın demək olar ki, onlarla yaşamasından narazılıq etmir. Lakin yuxarı siniflərdə Qiyuenin sinif yoldaşına bəslədiyi hisslər və oğlanın digər qıza maraq göstərməsi aralarındakı münasibəti çətinləşdirir.

Məktəbi bitirdikdən sonra Anşen hər şeyi arxada qoyaraq Pekinə yola düşür. Beləliklə, yaxın rəfiqələrin yolları ayrılır və onların hərəsi tamamilə fərqli həyat sürməyə başlayır. Buna baxmayaraq, illər keçdikcə onların taleləri bir-biri ilə sıx bağlı qalmaqda davam edir.

«Qi yue yu an sheng» melodram filmi rejissor Derek Tsan tərəfindən lentə alınıb. 2016-cı ildə Çin və Honq Konq istehsalı kimi təqdim edilən ekran əsərində əsas rolları Çjou Dunyuy, Sandra Ma, Tobi Li və Li Pin canlandırıb.