Güzgünün iki üzü var

Kolumbiya Universitetinin riyaziyyat müəllimi Qreqori Larkin qadınlarla münasibətlərdə heç vaxt uğur qazanmayıb. O, ədəbiyyat mühazirələri deyən Rouz Morqan ilə tanış olur və bu ünsiyyət tezliklə nikahla nəticələnir. Lakin bu izdivac sevgi və ehtirasdan daha çox qarşılıqlı hörmət və zehni yaxınlıq üzərində qurulur.

Şəxsi həyatındakı boşluqdan narazı qalan Rouz hər şeyi dəyişmək qərarına gəlir. Həyat yoldaşı mühazirələr oxumaq üçün şəhərdən gedəndə, qadın ciddi şəkildə öz görünüşü ilə məşğul olmağa başlayır. Həmişə diqqətdən kənarda qalan Rouz qısa müddətdə heyranedici və zərif bir qadına çevrilir.

ABŞ istehsalı olan «The Mirror Has Two Faces» filmi 1996-cı ildə rejissor Barbra Streyzand tərəfindən ekranlaşdırılıb. Baş rolları Barbra Streyzand ilə yanaşı Ceff Bricis, Loren Bekoll və Corc Siqal canlandırıblar.