Shamantakamani

Varlı iş adamının oğlu Krişna elit bir oteldə təşkil edilən əyləncə gecəsinə «Shamantakamani» adlı çox bahalı və nadir Rolls-Royce avtomobili ilə gəlir. Lakin gecənin qızğın vaxtında lüks avtomobil qəfil otelin dayanacağından qaçırılır. Maşının sahibi dərhal kömək üçün polisə müraciət etməli olur.

Oğurluq işinin araşdırılması öz şəxsi mənfəətini güdən müfəttiş Rancit Kumara tapşırılır. Nəzarət kameralarının qeydlərini və gecə baş verənləri təhlil edən xəfiyyə əsas şübhəliləri müəyyənləşdirir. Həmin gecə oteldə olan bir avtomexanik, xırda fırıldaqçı, gənc aşiq və hətta avtomobilin sahibi özü də şübhəli şəxslər sırasına düşür.

Hindistan istehsalı olan «Shamantakamani» dram filmi rejissorlar Sriram Adittya və Sriram Eragamreddy tərəfindən lentə alınıb. 2017-ci ildə nümayiş olunan ekran əsərinin baş rollarında Aadi, Joy Badlani, Abhay Bethiganti və Tanikella Bharani çəkiliblər.