Kor

Əminə evdə paltar tikməklə çörəkpulu qazanır. Hazırladığı geyimləri göstərmək üçün emalatxanaya gedəndə təsadüfən köhnə müdiri Ziya ilə rastlaşır. Tezliklə Ziya öyrənir ki, Əminənin əri Camal qazanc dalınca Rumıniyaya getsə də, qanunsuz işlədiyi üçün orada həbs olunub.

Əminənin üçyaşlı oğlu ağır xəstədir və təcili əməliyyat olunmalıdır, lakin nə tibbi sığorta, nə də tələb olunan məbləğ var. Ziya uşağın bütün xəstəxana xərclərini ödəyir və Əminəyə yeni iş tapmaqda yardım edir. Zamanla Ziyanın qadına qarşı hissləri yaranır, bir neçə aydan sonra isə həbsdən azad edilən Camal evə qayıdır.

Türkiyə istehsalı olan «Kor» dram filmini 2016-cı ildə rejissor Zeki Demirkubuz ərsəyə gətirib. Baş rollarda Aslıhan Gürbüz, Caner Cindoruk, Taner Birsel və İştar Göksever çıxış edirlər.