Ağıllı

Otuz beş yaşlı Vensan Barte məktəb futbol komandasında məşqçidir və subay həyat tərzindən olduqca məmnundur. Günlərin birində onun həyatına on üç yaşlı qardaşı oğlu Leo daxil olur. Yeniyetmə şahmat üzrə çempion olsa da, Asperger sindromu ilə yaşayır və ətrafdakılarla çətin ünsiyyət qurur.

Bu qəfil qohumluq görüşü hər ikisinin gündəlik həyatını tamam dəyişir. Vensan bir çox şeyə münasibətini və dəyərlərini yenidən gözdən keçirməli olur. Leo isə əmisinin yanında özündə tamamilə yeni istedadlar kəşf edir.

«Monsieur je-sais-tout» filmi 2018-ci ildə Fransada dram və komediya janrlarında lentə alınıb. Layihənin rejissor kürsüsünü Stefan Arşinar və Fransua Prevo-Leyqoni bölüşüb, baş rollarda isə Arno Dükre, Maks Besett de Malqleyv və Alis David çəkiliblər.