Bhasmasur

Hindistan kəndində hökm sürən quraqlıq kəndli Dhaanunu çətin vəziyyətə salır. Sələmçiyə olan böyük borclar ailəni iflas həddinə çatdıranda, o, vəziyyətdən çıxış yolu axtarmağa başlayır. Kəndli yeganə çıxış yolunu ailənin Bhasmasur adlı eşşəyini şəhər yarmarkasında satmaqda görür.

Lakin bu heyvan onun on yaşlı oğlu Tipunun ən sevimli və sadiq dostudur. Atasının gizli planından xəbərsiz olan azyaşlı oğlan da onlara qoşulmaq qərarına gəlir. Beləliklə, ata, oğul və dördayaqlı yol yoldaşı quraq səhradan keçərək uzaq şəhərə doğru piyada səfərə çıxırlar.

2017-ci ildə Hindistanda istehsal olunmuş «Bhasmasur» dramının rejissoru Nişil Şetdir. Əsas rolları Trimala Adhikari, Mittal Çuhan, Raqxav Datt və Ravi Qosvami canlandırıblar.