Nunbal

Yuxarı sinif şagirdi Min-şik ailəsi ilə birlikdə atasının doğulduğu kiçik Qoson qəsəbəsinə köçür. Yeni mühitə öyrəşməyə çalışan gənc burada oxuduğu məktəbdə Ye-cu adlı qızla tanış olur. Həmyaşıdları Ye-cudan uzaq durmağa çalışır və onunla heç cür dostluq etmək istəmirlər.

Məktəblilər qızı qatil övladı adlandıraraq cəmiyyətdən təcrid edirlər. Özgələşdiklərini hiss edən və bu mühitdə özlərinə yer tapa bilməyən iki gənc zamanla bir-birinə yaxınlaşır. Hər ikisinin kənarlaşdırılması onları ortaq nöqtədə birləşdirir və aralarında səmimi münasibət yaranır.

Cənubi Koreya istehsalı olan «Nunbal» dram filminin rejissoru Ço Cə-mindir. 2017-ci ildə ekranlara çıxan bu dramda əsas rolları Pak Çin-yon, Çiu, Çan Myon-qap və O Man-sok canlandırıblar.