Vaxtından əvvəl azadlıq

Narkotik saxlama və sərxoş vəziyyətdə avtomobil idarə etməyə görə üç il cəza çəkən Teylor Reynolds həbsdən vaxtından əvvəl buraxılır. O, doğma evinə dönərək qızı Byanka və əri Cefflə münasibətlərini qaydaya salmağa, həmçinin ətrafdakı insanların qınağına sinə gərməyə çalışır.

Lakin keçmiş kamera yoldaşı Meqan Flanaqanın gözlənilmədən peyda olması vəziyyəti kəskinləşdirir. Tamahkar cinayətkar qadın Teylorun ailə həyatına müdaxilə edir və onun həbsdən necə tez çıxdığı barədə həqiqəti tələb edərək şantaja başlayır. Teylor doğmalarını bu təhlükədən qorumaq üçün hər şeyə əl atır.

2017-ci ildə çəkilmiş «Vaxtından əvvəl azadlıq» (Early Release) trillerinin rejissoru Con L’Ekuyedir. Kanada istehsalı olan bu dram filmində baş rolları Kelli Uilyams, Niv Uilson, Konrad Kouts və Saren Boylen canlandırıb.