Prodigals

Uesli məhkəmə prosesi ərəfəsində dostuna dəstək olmaq məqsədilə doğulub böyüdüyü şəhərə qayıdır. Doğmaları və tanışları onun böyük şəhərdə möhtəşəm karyera qurduğunu, bacarıqlı vəkillərdən birinə çevrildiyini düşünürlər. Ətrafındakı hər kəs onun uğurlarına qəlbən inanır.

Əslində isə gənc oğlan hüquq fakültəsindəki təhsilini yarımçıq qoyub və heç bir nailiyyət qazanmayıb. Doğmalarının ümidlərini doğrultmaq istəyən Uesli bu uğursuzluğu köhnə tanışlarından gizlətməyə çalışır. O, gerçəkləri açıqlamaq əvəzinə hər şey qaydasındaymış kimi davranmağa davam edir.

Kanada istehsalı olan «Prodigals» dram filmi 2017-ci ildə nümayiş olunub. Layihənin rejissoru Mişel Uelledir. Əsas rolları Devid Alpey, Sara Kanninq, Kanyextio Horn və Endryu Frensis canlandırıblar.