Fırtınadan sonra

«Fırtınadan sonra» filmi vaxtilə tanınmış yazıçı olmuş, indi isə xırda işlərlə məşğul olan özəl xəfiyyə Ryotanın həyatından bəhs edir. Atasının vəfatı və boşanma kimi ardıcıl itkilər onun həyatını alt-üst edib. Keçmiş xanımı oğlunu da götürərək ondan ayrılıb və yeni bir yol seçib.

Yaşlı anası və keçmiş həyat yoldaşı baş verənlərlə barışıb irəli addımlasa da, Ryota keçmişdə ilişib qalıb. Xəfiyyəlikdən qazandığı cüzi vəsaiti qumarda itirən qəhrəman nəinki alimenti ödəyə, heç məktəbli oğluna layiqincə atalıq edə bilmir. Lakin güclü fırtına və yağışlı bir gecə bu ailənin münasibətlərində yeni bir səhifə aça bilər.

2016-cı ildə Yaponiyada çəkilmiş bu dramatik komediyanın rejissoru Hirokazu Koreedadadır. Əsas rolları Hiroshi Abe, Yoko Maki, Satomi Kobayashi və Lily Franky ifa edirlər.