Sabun köpüyü

Valideynləri tərəfindən tərk edilən İzumi küçələrdə yaşayır və qadınları qarət etməklə dolanır. Polis təqibindən qaçan gənc ölkənin cənubundakı ucqar bir dağ kəndinə gəlib çıxır və burada təsadüfən yaşlı bir qadına kömək edir. Xeyirxah qadın İzuminin bu hərəkətini cavabsız qoymur və onu evinə qonaq çağırır.

İzumi ev sahibinin sadəlövhlüyündən istifadə edərək oradan nəsə oğurlamaq niyyəti ilə təklifi qəbul edir. Kənd camaatı isə gənci qadının doğma nəvəsi zənn edir və ona böyük səmimiyyətlə yanaşır. Ətrafdakı insanların göstərdiyi qayğı və mehribanlıq tədricən onun daşlaşmış qəlbini yumşaltmağa başlayır.

«Sabun köpüyü» (Shabon dama) dram janrında çəkilmiş 2017-ci il Yaponiya filmidir. Ekran əsərinin rejissoru Şinci Azumadır. Baş rolları Kento Hayashi, Etsuko Ichihara, Kazuyuki Aijima və Mina Fuji canlandırıblar.