Məzuniyyət

Yu-na artıq on ildir ki, fasiləsiz olaraq restoranda çalışır və istirahət nə olduğunu bilmir. Xəstəxanadan gələn zəng onun iş qrafikini qəfil pozur: anasının vəziyyəti ağırdır və təcili olaraq Concuya getmək lazımdır. Qadının rəhbəri ona kömək etmək qərarına gələrək şəxsi maşını ilə aparmağı təklif edir.

Yol boyu rəis qəribə bir mənzərə ilə qarşılaşır, çünki tələsməli olan Yu-na hər fürsətdə dayanmağı xahiş edir. O, maraqlı yerləri gəzir, qəhvə içir və yolüstü təamlardan dadır. Rəhbərinin təəccüblü suallarına dərhal cavab verməyən qadın, sonda ona uşaqlıq illəri ilə bağlı xatirələrini danışır.

«Məzuniyyət» dram filmi 2016-cı ildə Cənubi Koreyada rejissor Li Su-son tərəfindən lentə alınıb. Baş rolları Con Hyon-suk, Son Hi-sun, Mun Yon-don və Li In-cu canlandırıblar.