Dater's Handbook

Şəxsi həyatında ard-arda uğursuzluqlar yaşayan Kassandra səhvin həmişə yanlış tərəf-müqabili seçməsində olduğunu anlayır. Münasibətlər üzrə tanınmış ekspert doktor Syuzinin məşhur təlimat kitabçası onun əsas bələdçisinə çevrilir. Həmin vəsait gələcək həyat yoldaşının özünü necə aparmalı olduğunu qaydalarla izah edir.

Kitabın tövsiyələrinə əməl etməyə başlayan Kassandra tezliklə çətin qərar qarşısında qalır. O, hər addımı etibarlı görünən Corc ilə əyləncəli və zarafatcıl Robert arasında tərəddüd etməyə başlayır.

«Dater's Handbook» filmi 2016-cı ildə Kanadada rejissor Ceyms Hed tərəfindən ekranlaşdırılıb. Melodram janrlı layihənin baş rollarında Meqan Markl, Kristoffer Polaha, Conatan Skarf və Kristin Şatelen çəkiliblər.