Humshakals

Varlı iş adamı Aşok Sinqhaniya böyük şirkətlərə, dəbdəbəli malikanəyə və bahalı nəqliyyata sahibdir. Onun ən yaxın sirdaşı və dostu isə Kumardır. Aşokun atası komaya düşdükdən sonra məkrli əmisi Kuvar bütün mülkiyyəti ələ keçirmək üçün qardaşı oğlundan yaxa qurtarmaq qərarına gəlir.

Milyonlarla dollarlıq var-dövlətə yiyələnmək istəyən əmi heç nədən çəkinmir və hər addıma hazırdır. Lakin onun qurduğu plan gözlənilməz amil səbəbindən pozulur. Belə ki, həm Aşokun, həm də Kumarın kənarda tam oxşarları və əkizləri mövcuddur.

Hindistan istehsalı olan «Humshakals» filmi 2014-cü ildə rejissor Sacid Xan tərəfindən lentə alınıb. Baş rolları Saif Əli Xan, Riteş Deşmukh, Ram Kapur və Bipaşa Basu canlandırıblar.