Mucize

1960-cı illərdə şəhərli müəllim Mahir dövlət təyinatı ilə ucqar bir dağ kəndinə göndərilir. Çətinliklə mənzil başına çatan pedaqoq burada məktəbin ümumiyyətlə olmadığını görür. Geri qayıtmaqdan imtina edən Mahir bir şərtlə kənddə qalmağa razılaşır: dərslərdə oğlanlarla bərabər qızlar da təhsil almalıdır.

Kənd muxtarı və yerli sakinlərin köməyi ilə müəllim sıfırdan məktəb binasının tikintisinə başlayır. Həmin ərəfədə o, muxtarın ağır fiziki qüsuru olan və cəmiyyətdən təcrid edilən yetkin oğlu Əzizlə tanış olur. Mahir bu gəncin təlim-tərbiyəsini və savadlanmasını da öz üzərinə götürür.

«Mucize» filmi 2014-cü ildə Türkiyədə çəkilib. Komediya və dram janrlarını birləşdirən ekran əsərinin rejissoru Mahsun Kırmızıgüldür. Əsas rolları Talat Bulut, Mert Turak, Mahsun Kırmızıgül və Erdem Yener canlandırıb.