Ulduzlar günahkardır

Ağır xəstəliyin müvəqqəti səngiməsinə baxmayaraq, Heyzel daxilən heç bir sevinc hiss etmir. O, vəziyyətlə barışmaq üçün dəstək qrupunun görüşlərinə qatılmağa başlayır. Məhz burada Oqastus Uoters ilə qarşılaşır və gənclər arasında dərhal qarşılıqlı məhəbbət yaranır.

Bir-birinə bağlanan cütlük birlikdə maraqlı bir səfərə çıxır. Hisslərlə dolu bu yolçuluq onlara həyatın mənasını və dəyərini istənilən ömür parçasında tapmağın mümkün olduğunu aydın şəkildə göstərir.

ABŞ istehsalı olan «The Fault in Our Stars» melodram filmi 2014-cü ildə ekranlara çıxıb. Ekran əsərinin quruluşçu rejissoru Coş Bundur, baş rolları isə Şeylin Vudli, Ensel Elqort, Lora Dern və Sem Tremmell canlandırıb.