Çobanlar

Teatr səhnəsində uğur qazana bilməyən Van-cu sənətini tərk edərək fərqli bir qazanc yolu tapır. O, müştərilərin istəyi ilə istənilən adamın roluna girərək sifarişləri yerinə yetirir. Stanislavski sisteminə dərindən inanan peşəkar aktyor hər bir tapşırığa bütün ciddiyyəti ilə yanaşır.

Günlərin birində ona böyük məbləğdə pul müqabilində qeyri-adi bir iş təklif olunur. Van-cudan real bir qətlin yalançı şahidi rolunu oynaması tələb edilir. Xəstə anasının müalicə xərclərini ödəməyə çalışan qəhrəman bu saxtakarlığa razılıq vermək məcburiyyətində qalır.

Cənubi Koreya istehsalı olan «Çobanlar» (Yangchigideul) dramatik triller filminin rejissoru Kim Cin-hvandır. 2015-ci ildə çəkilən ekran əsərində baş rolları Pak Con-hvan, O Çhan-qyon, Kim Con-su və Ryu Cun-yol canlandırıb.