Barkhaa

Həvəskar fotoqraf Catin yerli mənzərələri lentə almaq məqsədilə Himaçal-Pradeşə yola düşür. Lakin səfərin ikinci günündə sevimli kamerasını itirir. İtkin barədə məlumat vermək üçün polis məntəqəsinə üz tutan gənc gözlənilməz halla qarşılaşır. Naməlum bir xanım tapdığı fotoaparatı şöbəyə təhvil verir və təşəkkür belə eşitmədən oradan uzaqlaşır.

Catin xilaskarı haqqında yalnız bircə faktı — onun adının Barkhaa olduğunu öyrənə bilir. Bu təsadüfi görüşdən sonra rahatlığını itirən oğlan qızın axtarışına başlayır. O, tapmaq istədiyi bu sirli gözəlin arxasında necə keşməkeşli və gözlənilməz bir keçmişin dayandığından xəbərsizdir.

"Barkhaa" filmi 2015-ci ildə Hindistanda istehsal olunmuş melodramdır. Ekran əsərinin rejissoru Şadab Mırzadır. Baş rolları Sara Loren, Taaha Şah, Priyanşu Çatterci və Muntazir Ahmad canlandırıblar.