Uzaqdan

Orta yaşlı və imkanlı Armando gənc oğlanlara pul ödəyərək onları evinə dəvət edir. O, toxunuşlardan qaçır və sadəcə müəyyən məsafədən qonaqlarını izləməklə kifayətlənir. Eyni şəkildə o, keçmişdə ona dərin yara vurmuş yaşlı bir sahibkarı da uzaqdan addım-addım təqib edir.

Küçə xuliqanı Elder ilə ilk qarşılaşma zorakılıqla nəticələnsə də, Armando bu kobud gənci unuda bilmir. Maddi qazanc dalınca qaçan Elder onun yanına gəlməyə davam edir və getdikcə bu qəribə təmaslar aralarında dərin mənəvi bağ yaradır. Lakin Armandonun keçmişdən qalan dərdi yeni münasibətləri sınağa çəkir və Elderi ciddi bir addım atmağa vadar edir.

«Uzaqdan» (Desde allá) dram filmi 2015-ci ildə rejissor Lorenso Viqas tərəfindən çəkilib. Meksika və Venesuela istehsalı olan bu ekran əsərində baş rolları Alfredo Kastro, Luis Silva, Xeriko Montilya və Katerina Kardozo canlandırır.