Zoom

Uğurlu kinorejissor Edvard bir-birinə bənzəyən döyüş filmləri çəkməkdən bezir və fərqli, böyük bir sənət əsəri yaratmaq qərarına gəlir. Onun yeni layihəsi şöhrətli supermodel Mişelin həyatına həsr olunur. Mişel isə öz növbəsində modellik karyerasından sıxılaraq yazıçı kimi gücünü sınamaq, öz kitabını qələmə almaq istəyir.

Mişelin romanının mərkəzində seks-şoplar üçün rezin qadın fiqurları istehsal edən müəssisədə çalışan Emma dayanır. Emma boş vaxtlarında maraqlı bir komiks çəkməklə məşğul olur və bu qrafik hekayənin baş qəhrəmanı həmin o rejissor Edvard olur. Beləliklə, personajların hər biri eyni vaxtda həm müəllifə, həm də başqasının təxəyyül məhsuluna çevrilir.

«Zoom» bədii filmi rejissor Pedro Morelli tərəfindən ekranlaşdırılıb. Kanada və Braziliya istehsalı olan bu komediya-dram janrlı ekran işi 2015-ci ildə işıq üzü görüb. Filmin əsas rollarını Alison Pill, Tayler Labin, Maykl Eklund və Mariana Şimenes canlandırıb.