Cycle Kick

Valideynlərini itirmiş iki qardaş — Ramu və uşaqlıqda keçirdiyi xəstəlik səbəbindən yeriməkdə çətinlik çəkən Deva Hindistanın sahil kəndlərindən birində yaşayır. Böyük qardaş Ramu həm balaca Devanın məktəb xərclərini ödəmək, həm də özünün kollec təhsilini davam etdirmək üçün səhərlər müxtəlif ağır işlərdə çalışır. Günün ikinci yarısında isə öz dərslərinə tələsir.

Bir gün qardaşlar kənara atılmış sınıq bir velosiped tapır və onu öz gücləri ilə təmir edirlər. Bu nəqliyyat vasitəsi Devanın ən böyük arzusunu gerçəkləşdirir, Ramunun isə gündəlik qayğılarını xeyli yüngülləşdirərək qardaşını istədiyi yerə aparmağa kömək edir. Lakin çox keçmədən düzəltdikləri velosiped qəfil oğurlanır və qardaşlar oğrunun izinə düşmək qərarına gəlirlər.

2011-ci ildə çəkilmiş «Cycle Kick» Hindistan istehsalı olan idman dramıdır. Filmin rejissoru Shashi Sudigala olub, əsas obrazları isə Nishan Nanaiah, Sunny Hinduja, Girija Oak və Ishita canlandırıb.