Journeyman

Orta çəkidə dünya çempionu olan Metti Börton titulunu qorumaq üçün gənc iddiaçı ilə rinqdə qarşılaşır. Ağır keçən döyüş Mettinin qələbəsi ilə başa çatsa da, o, başına silsilə güclü zərbələr alır. Qarşılaşmadan sonra evə, həyat yoldaşı və azyaşlı qızının yanına qayıdan idmançı dincəlməyə çalışır.

Lakin rinqdə aldığı travmalar tezliklə öz fəsadlarını göstərməyə başlayır. Gecikmiş beyin zədələnməsi onun həm şəxsi münasibətlərinə, həm də gündəlik davranışına ağır zərbə vurur. Qəhrəman dəyişən vəziyyətinə uyğunlaşmağa çalışarkən ailəsi də bu çətin sınaqla üz-üzə qalır.

Böyük Britaniya istehsalı olan bu idman dramı 2017-ci ildə Peddi Konsidayn tərəfindən çəkilib. Filmdə əsas rolları Peddi Konsidayn özü, Codi Uittaker, Pol Poppluell və Brendan İngl ifa ediblər.