Ana

On il əvvəl Elenanın altıyaşlı oğlu çimərlikdə atasını axtararkən itkin düşmüş və anası ilə sonuncu dəfə telefonla danışmışdı. O vaxtdan bəri uşaqdan heç bir xəbər çıxmayıb. Elena həmin sahildə qalaraq yerli restoranlardan birini idarə edir və ağır itkidən sonra özünü toparlamağa çalışır.

Günlərin birində sahilboyu gəzən qadın itirdiyi oğlunu xatırladan bir yeniyetmə ilə rastlaşır. Gənclə olan bu təsadüfi tanışlıq keçmişin sağalmayan yaralarını yenidən qanadır və ananın daxili dünyasında dərin izlər buraxır.

«Madre» filmi İspaniya və Fransa istehsalı olaraq rejissor Rodriqo Soroqoyen tərəfindən 2019-cu ildə çəkilib. Ekran əsərində baş rolları Marta Nieto, Jül Porye, Aleks Brendemül və Ann Kosinyi canlandırıblar.