Əzablar qatarı

Kitamiti Tokioda ucuz bir otaqda qalır və limanda fəhləlik edərək birtəhər dolanır. Qazandığı bütün pulu spirtli içkilərə xərcləyən gəncin nə sevgilisi, nə də yaxın sirdaşı var. Günlərin birində o, Kusakabe adlı tələbə ilə tanış olur və bu ünsiyyət tezliklə möhkəm dostluğa çevrilir.

Yeni yoldaşının köməyi ilə Kitamiti köhnə kitablar mağazasında çalışan Yasuko ilə rastlaşır və qıza ilk baxışdan vurulur. Lakin bu məhəbbət çox keçmədən sınaqla üzləşir. Heç bir əsası olmayan qısqanclıq hissi iki oğlan arasındakı dostluq münasibətlərini sarsıtmağa başlayır.

2012-ci ildə ekranlara çıxan «Kueki ressha» adlı Yapon drama və komediya filminin rejissoru Nobuhiro Yamaşitadır. Ekran əsərində baş rolları Mirai Moriyama, Kengo Kora, Atsuko Maeda və Makita Sports canlandırıblar.