Necə unutmalı?

Otuz beş yaşlı ingilis ədəbiyyatı müəllimi Culiya həyatının sevgisi hesab etdiyi insandan ayrıldıqdan sonra dərin kədər içindədir. Bu ayrılıq onun daxilində böyük bir boşluq yaradır və qadını depressiyaya salır. Keçmişlə bağlı xatirələr və kədər hissi onun gündəlik həyatının ayrılmaz parçasına çevrilir.

Culiya normal yaşayışına qayıtmaq üçün ruh düşkünlüyü ilə mübarizə aparmağa çalışır. Ağrı dolu bu günlər sirli bir tanışlığa qədər davam edir. Həmin gözlənilməz qarşılaşma qadına keçmişin acısını geridə qoymağa və yenidən daxili rahatlıq tapmağa kömək edir.

«Como Esquecer» adlı Braziliya istehsalı olan dram filminin rejissoru Malu De Martinodur. Ekran işi 2010-cu ildə təqdim edilib. Əsas rolları Ana Paula Arozio, Murilu Roza, Nataliya Leyc və Arieta Korreya canlandırıb.