Balaca kömürçü

Kasıb ailədə böyüyən və kömür daşımaqla məşğul olan afrikalı oğlan yay tətilini uşaq düşərgəsində keçirmək istəyir. Anasının onu siyahıya yazdırmağı unutması arzusunun qarşısını ala bilmir. Cəld və fəndgir yeniyetmə çıxış yolu taparaq yola düşən avtobusa gizlicə minməyi bacarır.

Eyni səfərə qatılan on beş yaşlı Roz isə əksinə, düşərgəyə getmək istəməsə də, oraya məcburi göndərilir. İstəkləri tamam fərqli olan bu iki gənc digər uşaqlarla birlikdə maraqlı hadisələrin və macəraların içində qalır.

«Balaca kömürçü» (Le petit bougnat) filmi rejissor Bernar Tublank-Mişel tərəfindən lentə alınıb. Fransa və İtaliyanın birgə istehsalı olan bu 1969-cu il dram-komediyasında baş rolları Klod Amazan, İzabel Acani, Vinçentso Sartini və Gi Allomber paylaşıb.