Tənha

Uşaqlıqdan bəri tək böyüyən gənc oğlan hər zaman böyük ailəyə sahib olmağı arzulayır. Bu məqsədinə çatmaq üçün o, qohumları çox olan bir xanımla evlənmək qərarına gəlir. Küçədə baş verən mübahisə zamanı vəziyyəti sakitləşdirən bir qızla qarşılaşması onun bütün planlarını dəyişir.

Oğlan qızın rəğbətini qazanmaq üçün əlindən gələni etməyə başlayır. Lakin qızın sərt atası övladı üçün tamamilə başqa bir namizədi münasib görür. Sevgisinə qovuşmaq istəyən baş qəhrəman qarşısına çıxan maneələri aşmaq üçün səbir, dürüstlük və inadkarlıq nümayiş etdirməlidir.

Hindistan istehsalı olan «Solo» («Tənha») dram filmi 2011-ci ildə ekranlara çıxıb. Rejissoru Paraşuram olan ekran əsərində baş rolları Nara Rohit, Nişa Aqarval, Prakaş Rac və Cayasudha canlandırıblar.