Wu yan

Polis əməkdaşları çay sahilində təxminən iyirmi beş yaşlarında, çılpaq bir gənci tapırlar. Danışa bilməyən və ya susmağa üstünlük verən bu naməlum şəxs şəhər xəstəxanasına yerləşdirilir. Baş həkim Li gəncin keçmişini və ilkin xatirələrini bərpa etməyə çalışır.

Həmin tibb müəssisəsində çalışan Han adlı gənc sanitariya işçisi xəstənin dəli olduğuna inanmır. Dəqiq diaqnoz qoyulmadığı üçün sirli pasiyenti psixiatriya dispanserinə göndərmək qərarı veriləndə Han fərqli addım atır. Çox keçmədən Ning adlı bir qadın ortaya çıxaraq tapılan gəncin sevgilisi olduğunu bildirir və susqunluğun arxasındakı sirlər tədricən açılır.

«Wu yan» adlı dram filmi 2012-ci ildə rejissor Saymon Çunq tərəfindən Çin və Honq Konq istehsalı olaraq lentə alınıb. Baş rolları Pierre-Matthieu Vital, Qilun Gao, Yoka Yue və Jian Jiang canlandırıblar.