Pankh

Uşaq ikən anasının təkidi ilə kastinqə qatılan Cerri orada qız roluna seçilir. Bu obraz sayəsində böyük şöhrət qazansa da, keçmişin təsiri onun sonrakı yetkinlik illərinə dərindən sirayət edir. Yaşı artdıqca gənc oğlan cinsi kimliyindəki fərqlilikləri dərk edir və bunu hər kəsdən gizlətməyə, utanmağa başlayır.

Eyni zamanda anası ilə münasibətlərində nə hörmət, nə də sevgi qalır. Yaşadığı ağır psixoloji gərginliklər nəticəsində Cerri narkotik maddələrdən asılı vəziyyətə düşür. Tezliklə onun həyatına Nandini adlı qız daxil olur və varlığı ilə gəncin dünyasını dəyişir, lakin bu qadın əslində sadəcə bir xəyaldan ibarətdir.

«Pankh» adlı Hindistan istehsalı dram filmi 2010-cu ildə rejissor Sudipto Çattopadhyaya tərəfindən ekranlaşdırılıb. Baş rolları Maradona Rebello, Bipaşa Basu, Lillet Dube və Maheş Mandjrekar canlandırıblar.