Hello Darling

Haryanadan Mumbaya köçən Satvati Çoudhari burada yeni iş tapır. Lakin qısa müddət sonra rəisi Harddik Vasunun nalayiq davranışları ilə üzləşir. Çox keçmir ki, şirkətdə çalışan digər qadınlar — Mansi Coşi və Kendi Disuzanın da eyni rəftarın qurbanı olduğu üzə çıxır.

Birləşmək qərarına gələn bu üç həmkar müdirlərini zəhərləməyi planlaşdırır. İşlərini bitmiş hesab edən qadınlar polisin şübhələnməməsi üçün cəsədi oğurlayıb bütün izləri silməyə çalışırlar. Lakin tezliklə rəhbərlərinin sağ-salamat olduğu və onlara qarşı təkzibolunmaz dəlillər topladığı məlum olur.

2010-cu ildə Hindistanda çəkilmiş «Hello Darling» komediya filminin əsas rollarında Qul Kirat Panaq, Selina Ceytli, İşa Koppikar və Çanki Pandey çəkiliblər.