Avan Ivan

Nəsillər boyu oğurluqla dolanan bir hind kəndində yaşayan iki qardaş bir-birindən tamamilə fərqlənir. İradəsiz ataları xaricində heç bir ortaq cəhəti olmayan qardaşlardan böyüyü Uolter sənətə və səhnəyə meyil edir. Lakin anadangəlmə göz qüsuru onun aktyor olmaq arzusuna əngəl yaradır. Kiçik qardaş Kumbudren isə cinayətkar mühitdə özünü çox rahat hiss edir və fırıldaqçılıqdan zövq alır.

Kəndə köhnə saray və məbədin sahibi olan, yerli camaatın böyük hörmət bəslədiyi Ağsaqqal rəhbərlik edir. Günlərin birində Kumbudrenin bu ağsaqqalın düşməninin qızına aşiq olması kənddəki münasibətləri qəlizləşdirir. İki qardaş fərqli xarakterləri və yeni hissləri ilə seçim qarşısında qalır.

2011-ci ildə Hindistanda istehsal olunmuş «Avan Ivan» filminin rejissoru Baladır. Komediya və dram janrlarının birləşdiyi ekran əsərində baş rolları Vişal, Arya, G. Kumar və Canani İver canlandırıb.