Seurapeli

Köhnə dostlar rəfiqələrinin ad gününü qeyd etmək və ona unudulmaz sürpriz hazırlamaq üçün dəniz kənarında villa icarəyə götürürlər. Lakin gözlənilməz şəkildə ad günü sahibinin bu qonaqlıqdan heç də məmnun qalmadığı üzə çıxır və planlar pozulur.

Yaranmış narahat ab-havanı Veronikanın yeni sevgilisi, Hollivudun gənc ulduzu Mikael dəyişməyi bacarır. Doğma mənzərələr və yaxın simalar sayəsində dostlar yaşlarını unudaraq bir müddətlik sanki yeniyetməlik çağlarına qayıdırlar.

«Seurapeli» adlı Finlandiya istehsalı olan bu komediya-dram filmi 2020-ci ildə rejissor Jenni Toivoniemi tərəfindən çəkilib. Ekran əsərində əsas rolları Iida-Maria Heinonen, Paula Vesala, Emmi Parviainen və Eero Milonoff canlandırırlar.