Bum

Flora «Sissi» Qofort adlı varlı qadın dəniz sahilində yerləşən dəbdəbəli villasında ömrünün son günlərini yaşayır. Ağır xəstəlikdən əziyyət çəkən və artıq altı ərini torpağa tapşıran bu qadın xatirələrini gənc köməkçisi miss Blekə diktə etməklə məşğuldur.

Yaranan depressiya və ağrıları səngitmək üçün malikanə sahibi spirtli içkilər, həblər və güclü iynələrdən istifadə edir. Sahildəki bu qapalı məkan kənar adamlardan ciddi şəkildə qorunur. Ərazinin mühafizəsinə isə qəddar bir cırtdanın idarə etdiyi qorxunc itlər nəzarət edir.

1968-ci ildə çəkilmiş «Bum» (Boom) dram filminin rejissoru Cozef Louzidir. Böyük Britaniya istehsalı olan bu psixoloji trillerdə baş rolları Elizabet Teylor, Riçard Borton, Noel Kauard və Coanna Şimkus canlandırıblar.