Qapı

1960-cı illərin Macarıstanında gənc yazıçı qadınla onun Emerens adlı yaşlı ev sahibəsi arasında qeyri-adi münasibətlər formalaşır. Qapalı və soyuqqanlı təbiəti ilə seçilən bu ahıl qadın qəribə vərdişləri ilə ətrafdakılar üçün hər zaman müəmma olaraq qalır. Heç kim onun şəxsi həyatı və keçmişi barədə ən kiçik təfərrüatı belə bilmir.

Yazıçı qadının həyatında baş verən gözlənilməz kədərli hadisə bu iki insan arasındakı məsafəni qısaldır. Başqalarına etibar etməyən Emerens məhz bu ağır anlarda öz qapılarını açır və keçmişinin gizli qalan məqamlarını onunla bölüşməyə başlayır.

«The Door» filmi 2011-ci ildə rejissor İştvan Sabo tərəfindən ekranlaşdırılıb. Almaniya və Macarıstan istehsalı olan dram janrlı bu ekran əsərində baş rolları Helen Mirren, Martina Qedek, Karoy Eperyeş və Qabor Konts canlandırıblar.