Android

2036-cı ildə kimsəsiz kosmik stansiyada çalışan alim Daniel təkbaşına Maks-404 adlı robot yaradır. Həyatı boyu yaradıcısından başqa heç bir insan görməyən bu köməkçi iyirminci əsr Yer mədəniyyətini kitablar və plastinkalar vasitəsilə araşdırır. Maks-404 Yer kürəsinə səyahət etmək istəsə də, keçmişdə baş vermiş robot qiyamından sonra maşınların həmin planetə girişi qadağan olunub.

Günlərin birində stansiyaya Yerdən qaçmış cinayətkar dəstəsi gəlir. Yeni qonaqların hərəkətlərini maraqla izləyən Maks-404 gələnlər arasındakı Meqqi adlı qadına xüsusi maraq göstərir. Eyni zamanda android öyrənir ki, doktor Daniel Kassandra adlı daha təkmil bir qadın robot hazırlayaraq Maksı sıradan çıxarmaq və Qalaktikanın hökmdarı olmaq niyyətindədir.

«Android» fantastika filmi 1982-ci ildə ABŞ-da istehsal olunub. Ekran əsərinin rejissoru Aaron Lipstadt, baş rol ifaçıları isə Klaus Kinski, Don Kit Opper, Bri Hovard və Norbert Vaysserdir.