Prototype

Yaxın gələcəkdə mühəndislər gündəlik məişət işlərində insanlara yardımçı olacaq süni intellektli robotların yaradılması üzərində işləyirlər. Rocer Marşall adlı mütəxəssisin hazırladığı ilk sınaq modeli böyük maraq doğursa da, bir sıra qüsurlara malik olur. Çatışmazlıqları aradan qaldırmaq istəyən Rocer daha təkmil xüsusiyyətləri olan yeni model üzərində işə başlayır.

Lakin gözlənilməz texniki nasazlıq bütün planları alt-üst edir və robotlar idarəetmədən çıxır. Sistemi pozulan maşınlar ailə üzvləri üçün ciddi təhlükə mənbəyinə çevrilirlər. Rocer öz ixtiralarının doğurduğu risklərlə üz-üzə qalır.

Böyük Britaniya istehsalı olan «Prototype» fantastika filmi 2022-ci ildə ekranlara çıxıb. Rejissor Cek Piter Mandinin çəkdiyi layihədə əsas rolları Marşall Houks, Stefani Lodj, Zoi Perdi və Ben Reyd canlandırıblar.