Notzilla

1962-ci ildə Yaponiya ordusunun nəhəng bir bədheybəti məhv etməsindən sonra paleontoloq Hiro Honda məxluqun salamat qalmış yumurtasını xilas edir. Alim bu tapıntını təyyarə ilə ABŞ-a aparmaq istəyir, lakin uçuş zamanı təsadüfən onu tualetdən axıdır. Nəticədə yumurta Sinsinnati şəhəri yaxınlığında Ohayo çayına düşür.

Yumurtanı çayın yaxınlığında yerləşən gizli yeraltı nüvə mərkəzinin işçiləri aşkar edirlər. Çox keçmədən doktor Honda laboratoriya heyətini tapır və onlara xəbərdarlıq edir: yumurtadan çıxan bala tamamilə zərərsiz olsa da, azacıq spirtli içki qəbul edən kimi nəhəng ölçülərə qədər sürətlə böyüyür.

Fantastika və komediya janrında çəkilmiş «Notzilla» filminin rejissoru Mitç Timlidir. Ekran əsərində əsas rolları Kristina Stayner, Ceyson Mey, Frederik Enq-Li və Tim Benş canlandırır. ABŞ istehsalı olan bu tammetrajlı film 2019-cu ildə işıq üzü görüb.