Tənzimləmə Bürosu

Devid Norris adlı siyasətçinin həyatı balerina Eliza ilə tanışlıqdan sonra gözlənilməz istiqamət alır. Lakin tezliklə Devid hər şeyin qabaqcadan yazılmış bir ssenari üzrə cərəyan etdiyini anlayır. İnsanların addımlarına fövqəltəbii bacarıqlara malik, şlyapalı xüsusi agentlərdən ibarət Tənzimləmə Bürosu nəzarət edir.

Həmin plana əsasən, aşiq olduğu qadınla onun bir araya gəlməsi qadağandır. Qoyulan qaydalarla barışmaq istəməyən konqresmen Büronun nümayəndələrindən birinin dəstəyini alaraq seçim azadlığını qorumağa çalışır. O, şəxsi səadəti və sevgisi naminə bu güclü təşkilata qarşı mübarizə aparmağa qərar verir.

2011-ci ildə ABŞ-da istehsal olunmuş «The Adjustment Bureau» filminin rejissoru Corc Nolfidir. Ekran əsərinin baş rollarında Mett Deymon, Emili Blant, Antoni Maki və Con Sletteri çəkiliblər.