Ziqota

Hadisələr ucqar bir dağ-mədən müəssisəsində cərəyan edir. İşçilərdən birinin səbəb olduğu hadisə nəticəsində qorxunc bir varlıq meydana gəlir. Bu məxluq qarşısına çıxan hər kəsi və hər şeyi amansızcasına məhv etməyə başlayır.

Stansiyada qalan azsaylı sağ insanlar amansız təhlükə ilə üz-üzə gəlirlər. Bütün maneələri aşan bədheybət heç kəsə aman vermədən irəliləyir və sağ qalanlar öz həyatlarını xilas etməyə çalışırlar.

«Zygote» adlı qısametrajlı elmi-fantastik qorxu filmini rejissor Nil Blomkamp ərsəyə gətirib. Kanada istehsalı olan bu film 2017-ci ildə işıq üzü görüb. Baş rolları Dakota Fanninq və Xose Pablo Kantilyo canlandırıb.