Vasya özündə deyil

Paytaxtda tikinti sahəsində çalışan Vasili Kuzin hər cəhətdən təmin olunmuş həyat sürür. Onun bahalı maşını, geniş mənzili və gözəl sevgilisi var, lakin iş adamı gəlmə fəhlələrə yuxarıdan aşağı baxır və onların qazancını mənimsəyir. Günlərin birində baş verən yol qəzası onun bütün vəziyyətini alt-üst edir.

Ayıldıqdan sonra Vasili ağlasığmaz bir mənzərə ilə üzləşir. O, həmişə məsxərəyə qoyduğu və haqqını kəsdiyi qastarbayterlərin xarici görkəmini alıb. Artıq başqa bir cilddə qalan qəhrəman öz əvvəlki bədənini və kimliyini geri qaytarmaq üçün əlindən gələni etməlidir.

«Vasya özündə deyil» fantastik komediya filmini rejissor Qarik Petrosyan çəkib. 2023-cü ildə Rusiyada istehsal olunmuş filmin baş rollarında Pavel Priluçnı, Çingiz Kadırov, Olqa Kuzmina və Vladimir Sıçov çıxış edir.