Share?

Gənc oğlan dörd divar arasında, sadəcə köhnə bir kompüterin olduğu naməlum məkanda ayılır. Çox keçmədən o, qapalı tələyə düşdüyünü anlayır. Ekranın digər tərəfindəki gizli izləyiciləri əyləndirməli olan qəhrəman yalnız bəyənmələr toplayaraq yemək və zəruri ehtiyaclarını təmin edə bilir.

İzləyicilərin rəğbətini qazandıqca sistem ona yeni imkanlar tanıyır. Nəticədə o, eyni şəraitdə saxlanılan digər iştirakçılarla videoəlaqə yaratmaq şansı əldə edir. Həmin şəxslər baş verənlərin arxasında dayanan dəhşətli sirləri onun üzünə açırlar.

Elmi-fantastika və triller janrında çəkilən «Share?» filminin rejissoru İra Rozensveyqdir. 2023-cü il ABŞ istehsalı olan layihənin baş rollarında Melvin Qreqq, Deniel Kempbell və Bredli Vitford çıxış edir.