DOC_05

Kino fakültəsinin bir qrup tələbəsi ilk tammetrajlı filmlərini lentə almaq üçün meşədə yerləşən kimsəsiz daxmaya yollanır. Lakin qısa müddət sonra çəkiliş heyəti onların ərazisinə soxulan naməlum bir şəxsin addımbaaddım onları izlədiyini anlayır.

Yaranan açıq təhlükəyə baxmayaraq, layihəyə həddən artıq bağlı olan rejissor çəkilişləri dayandırmaqdan və məkanı tərk etməkdən qətiyyətlə imtina edir. O, nəyin bahasına olursa-olsun işi başa çatdırmağa qərarlıdır və qrupun narahatlığına məhəl qoymur.

DOC_05 adlı elmi-fantastik qorxu və triller filmi rejissorlar Aidan Culver və Wyatt Knoell tərəfindən lentə alınıb. 2026-cı il istehsalı ekran əsərinin baş rollarında Eli Landsman, Alexander Johnson, Halle Powell və Willa Stine çəkiliblər.