Zaman Səyahəti Haqqında Tez-Tez Verilən Suallar

Rey, Tobi və Pit adlı üç bəxti gətirməyən dost Reyin işdən çıxarılmasını qeyd etmək üçün yerli meyxanada toplaşırlar. Növbəti içkini almağa gedən Rey burada qəribə bir qızla rastlaşır. Həmin gənc qadın gələcəkdən gəldiyini və Reyin gələcəkdə böyük işlər görəcək məşhur bir şəxsiyyət olduğunu iddia edir.

Bu sözləri dostlarının zarafatı hesab edən Rey masaya qayıdıb əhvalatı onlara danışır. Çox keçmir ki, adi tualet ziyarətindən sonra yoldaşlar özlərini tamam başqa zaman kəsiyində tapırlar və eşitdikləri hekayənin reallığı ilə üzləşirlər.

«Frequently Asked Questions About Time Travel» fantastik komediya filmi rejissor Qaret Karrivik tərəfindən çəkilib. ABŞ və Böyük Britaniyanın ortaq istehsalı olan bu 2009-cu il ekran əsərində əsas obrazları Kris O'Daud, Mark Vutton, Din Lennoks Kelli və Anna Feris canlandırıblar.