Müqəvvanın gecəsi

Yüz il əvvəl edam edilmiş qəddar cadugərin qisaskor ruhu yenidən dirçəlir və bu dəfə adi bir bostan müqəvvasının içinə daxil olur. Həyat qazanan bu saman fiqurun əsas məqsədi sehrli kitabı ələ keçirməkdir. Yalnız həmin qədim kitabın köməyi ilə cadugər öz insan bədəninə qovuşa bilər.

Kitabın axtarışına çıxan müqəvva qarşısına çıxan hər kəsi amansızlıqla məhv edir. Qurbanlar ağlasığmaz işgəncələrlə üzləşirlər: bəziləri çarmıxa çəkilir, digərləri yerin altından çıxan qarmaqlar vasitəsilə parçalanır və ya qorxunc bitkilərin qurbanına çevrilirlər.

«Night of the Scarecrow» qorxu və fantastika filminin quruluşçu rejissoru Ceff Berrdir. 1995-ci ildə ABŞ-da istehsal olunmuş layihənin baş rollarında Hovard Sueyn, Robert Harvi, Con Mese və Uilyam C. Barker çəkiliblər.